Farewell To Seniors- The Nerd way

Bas socha humne ki kuch khaas kiya jaye..
In panktiyo k sath kavita ka aagaz kiya jaye

Is kavita me bhi ab aap computer ka style dekho
Chand shabdon ko kaise kiya humne 'compile' dekho

Jab hum juniors ban k aate hain to hume college life seniors hi sikhaate hain.. Agli kuch lines ek junior ka safar senior k saath darshati hain..
Panktiya padhta hu,

Ke Hum sab ne aapse bahut kuch cheezein paayi hai
College ki 'cin-cout' hume aapne hi to sikhayi hai

Aur hui thi shuruaat in yadgaar silsiloon ki
Jab kholi thi aapne 'windows' apne diloon ki

Aankho me bade bade sapno ki train liye
Ek safar shuru kiya tha 'void brain()' liye
Raaste me aapke naye chehro se mulakaat ho gayi
Aisa 'program' bana jisse khushiyo ki barsaat ho gayi
Wo din hume chahne wale dost de gaye,
Wo lamhe bhula na pane waale log de gaye

Tab se is safar me bahut yaadein judi meethi meethi
Kabhi canteen me treat hui to  kabhi cheating in CT
Yaadein bhi aisi aisi ki dil aur man ko choo le
Jaise aapki welcome party ko hum ab tak nahi bhoole

Jo lamhe zindagi ke anmol pal ban gaye
Wo ab aankho k jal ban jayenge
Kaash un lamho ko hum fir se jee paate
Wo lamhe ab guzre hue kal ban jayenge

Koi jayenge banglooore, to koi jayenge pune
Par aapke bin lagenge ye corridor soone soone
Yaad rakhna ki kar to doge aap hume bye bye
Par roz yaad ayegi aapko lakhan bhaiya ki chai


Bas Jagah badal rahe ho aap,
Dil me koi dooriee nahi hai
Dil me ho, chahe jab milo
Fasle hain par majboori nahi hai

Ye waada hai aapse
Rishta hamara badhta jayega...
Dosti hamari badhti jayegi...
Kyuki is dosti ko hum har din streCH karte hai..
Is hi waade k sath is kavita ko 'get-CH()' karte hain....